Þjónusta T Plús

T Plús er sérhæft fyrirtæki á sviði bakvinnsluþjónustu. Verkefni félagsins byggja á fjórum stoðum og eru þau að mestu byggð á þjónustu við fjármálafyrirtæki, fagfjárfesta, lífeyrissjóði og vörsluaðila séreignasparnaðar. Starfsfólk T Plús býr yfir margra ára starfsreynslu á fjármálamarkaði og hefur markað sér þá stefnu að veita bestu þjónustu sem völ er á fyrir sanngjarnt verð. 

Vörslu- og uppgjörsþjónusta

T Plús býður einstaklingum, fyrirtækjum og fagfjárfestum upp á fjölmarga þjónustuþætti allt frá vörslu verðbréfa til alhliða bakvinnsluþjónustu sem felur í sér m.a. daglegan rekstur á verðbréfakerfum, uppgjöri og vörsluþjónustu, fyrirtækjaaðgerðir, afstemmingar, skýrsluskil, yfirlit, skattaþjónustu og prófanir á upplýsingakerfum.

Dæmi um þjónustuþætti:

• Uppgjör fjármálagerninga
• Varsla eigna
• Afstemming eigna
• Umsjón og frágangur fyrirtækjaaðgerða
• Innheimta skuldabréfa og víxla
• Móttaka og afhending eigna
• Veðsetningar
• Veðsetningar fyrir þriðja aðila
• Vísitölu- og gengisskráningar
• Regluleg viðskiptayfirlit
• Skráningar stofnupplýsinga

Sjóðaþjónusta

T Plús býður upp á alhliða sjóðaþjónustu fyrir rekstrarfélög verðbréfasjóða.  Fyrirtækið hefur yfir að ráða upplýsingatæknikerfum sem gerir viðskiptavinum kleift að lækka rekstrarkostnað og ná fram hagræðingu í rekstri.  Sjóðaþjónusta felur m.a. í sér vörslu og uppgjör verðbréfa, útreikning gengis og ávöxtunar, eftirliti með fjárfestingarstefnum sjóða, bókhald og skýrsluskil til opinberra aðila.

Dæmi um þjónustuþætti:

• Reikningshald
• Gengisútreikningar
• Ávöxtunarútreikningar sjóða og viðmið þeirra
• Frávikagreining
• Útgáfa hlutdeildarskírteina
• Afstemmingar
• Eftirlit með fjárfestingarstefnum sjóða
• Skýrsluskil
• Útreikningur og uppgjör umsýsluþóknana

Lífeyrisþjónusta

T Plús býður vörsluaðilum lífeyrissparnaðar upp á alhliða umsýslu fyrir séreignarsparnað. Vörsluaðilar sjá sjálfir um fjárfestingar og eignstýringu en T Plús heldur m.a. utan um réttindabókhald sjóðfélaga, gengisútreikning fjárfestingaleiða, afstemmingar, flutning milli vörsluaðila, skýrsluskil og útgreiðslur lífeyris.

Dæmi um þjónustuþætti:

• Réttindabókhald
• Móttaka og skráning samninga
• Móttaka og skráning skilagreina
• Innheimta iðgjalda
• Afstemmingar á iðgjöldum
• Útgreiðslur lífeyris
• Gengisútreikningar

Lánaþjónusta

Eigendur lánasafna geta útvistað innheimtu þeirra til T Plús. Félagið tekur á móti þinglýstum lánasamningum og sér um innheimtu þeirra út líftímann eða fram að lögheimtu. Öll lán eru vistuð í lánakerfi í eigu T Plús. Viðskiptavinir sem útvista lánasöfnum til T Plús geta verið lífeyrissjóðir og fjármálafyrirtæki.

Dæmi um þjónustuþætti:

• Skilgreining lánasniðmáta
• Skilgreining lánaflokka
• Móttaka þinglýstra lánasamninga
• Skráning lánasamninga í lánakerfi
• Útgreiðsla lána
• Afstemmingar
• Lánayfirlit
• Innheimta
• Milliinnheimta
• Skilmálabreytingar
• Samskipti við RSK